Bayerische Weihnachtsgeschichte

Re: Bayerische Weihnachtsgeschichte

// Edit: Beitrag gelöscht.

Bayerische Weihnachtsgeschichte

Weihnachten 1946

Glei nach`m Kriag, im 46 er Johr
Hat`s no nix z`essen gehm und des is wohr
Da waar ja des scho allerhand,
wannst mit am Bauern waarst verwandt.
Net zu veachten waar da a,
a Onkel in Amerika.


Am Heiligen Abend, i schrei Hurra
a Packerl aus Amerika
von unseren lieben Tante Rosn
g`füllt mit hoffnungsvolle Dosn.
I reiß glei auf und reck mein Hals
ohm drauf san glei drei Pfund Schmalz
a Kilo Bohnakaffee schau
a große Dosn mit Kakau.
Und nehm dro, ach guate Seel
a Bichsen mit Olivenöl
a ganz a große Dosn Reis
zwoa Kilo Mehl, wia Schnee so weiß.


Des alles schrieb die Tante Rosn
höchst eingenhändig auf die Dosn.
Bloß von da Weißblechdosn unten
da war des Zetterl gar verschwunden.


Wos kannt in derer Dosn sei?
Steckst hal amai die Nosn nei.
I hobs probiert, glei a paar Mal
des Pulver war geruchsneutral.
Es war net sauer und war net siaß
gschmeckt hat`s wia eigschlafene Fiaß.


So ham mir uns den Kopf zerbrochn
wos kannt ma aus dem Pulver kochn?
Mei Frau moant, des kannt a Schmankerl sei
da koch ma jetzt amoi an Brei.


Und haut a glei mit Milch und Ei
des Pulver in die Pfanne nei.
Befolgt an den Rat der Oma
duat nei a Prisn Zimtaroma
rührt` s glatt na mit a bißerl Schmalz
und gibt dazua a Pris`n Salz
und mit a Eibrenn und mit Zwiebel
hat`s wirkli g`schmeckt, war gar net übel.


Ihr liabn Leit, scho drei Tog drauf
klärt mit am Briaf sich alles auf.
Und schuld dro, s`is a schwacher Trost
warn bloß die Schlamper vo da Post.


Die Tante Rosn schrieb: "Ihr Lieben,
ich schick Euch ein Paket nach drüben
mit lauter schönen guten Sachen,
ich hoff, dass sie Euch Freude machen.


Nur was ihr leider noch nicht wisst,
dass Onkel Schorsch verstorben ist.
Er war trotz seiner 90 Jahr
a echter Bayer, des is wahr.
Drum will sein letzen Wunsch ich künden
dahoam will er sei Ruhstatt finden.
Und so sei es wie es sei
setzt ihn in aller Stille bei.

Sei Aschn ist in der Weißblechdosn
In stiller Trauer Tante Rosn."


Und so ham mir, mir wern`s nie vergessen
an Weihnachten unsern Onkel gfressen.

L.G. Billa
"Glaube versetzt Berge und Wissen rückt es wieder an seinen Platz."
(Wolfgang Möcker)